Қазақстанның әр өңірінде «Мөлдір бұлақ» республикалық экологиялық акциясы ұйымдастырылды. Экологиялық бастама қоршаған ортаны қорғауға, табиғи су көздерін тазартуға және экологиялық мәдениетті қалыптастыруға бағытталды.

Аталған шараға «Самұрық-Қазына» АҚ компаниялар тобына қарасты ұйымдардың, соның ішінде «QazaqGaz Onimderi» ЖШС қызметкерлері, сондай-ақ өңірлердегі Жастар кеңесінің мүшелері белсенді қатысты.

Іс-шара барысында қатысушыларға қауіпсіздік техникасы бойынша нұсқама жүргізіліп, жалпы жаттығу ұйымдастырылды. Одан кейін олар топтарға бөлініп, өзен-көл жағалауларында және қоғамдық орындарда тазалық жұмыстарын жүргізіп, табиғатты қорғауға өз үлестерін қосты.